Ilinniarnerit naammassineqartut atuarfinnut agguaallugit
2006-imiilli ukiut tamaasa ilinniarnerit naammassineqartut amerleriartarsimapput. 2016-imi inuusuttut ilinniarfiini naammassisut 782-iupput.
Titartagaq 6. 2006-imit 2016-imut Kalaallit Nunaanni ilinniarnerit naammassineqartut
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11H).
Titartakkami 7- imi atuarfiit inuusuttunut ilinniarfillit tamarmik takutinneqarput. Qullerpaat sisamat (tungujortut) tassaapput ilinniarnertuunngorniarfiit sisamat, sinneruttullu (qorsuit) tassaallutik inuussutissarsiornermi ilinniarfiit.
Titartagaq 7. 2016-imi Kalaallit Nunaanni ilinniarnerit naammassineqartut, atuarfinnut agguaallugit
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11H).
Nalunaarut: Allani pineqarput Upernaviarsummi Nunalerinermik Atuarfik, Kalaallisuuliornermik Ilinniarfik, Imarsiornermik Ilinniarfik – Uummannaq, Eqqumiitsuliornermik Ilinniarfik), Isiginnaartitsisartunngorniarfik, atuarfiit nalunaarusiaqanngitsut aammalu Danmarkimi atuagarsortut.
Ilinniarnertuunngorniarfinni naammassineqartuni 367-iusuni ilinniarnerit 123-t Qeqqata Ilinniarnertuunngorniarfianinngaanneerput, 112-illu Avannaani Ilinniarnertuunngorniarfimminngaanneerlutik.
Inuussutissarsiornermi ilinniarfinni ilinniakkani naammassineqartuni 415-iusuni 62-it Perorsaanermik Ilinniarfimminngaaneerlutik aammalu 54-it Imarsiornermik Ilinniarfimmi Paamiuninngaaneerlutik.